სსიპ სოფლის მეურნეობის სახელმწიფო ლაბორატორია სსიპ სოფლის მეურნეობის სახელმწიფო ლაბორატორია

ს.ს.ი.პ. „სოფლის მეურნეობის სამინისტროს ლაბორატორიის“ სააკრედიტაციო სფერო ფართოვდება. ლაბორატორიაში ვიზიტით იმყოფებიან საერთაშორისო ექსპერტები, რომლებიც ახლად დანერგილი მეთოდების სტანდარტთან შესაბამისობას და ლაბორატორიის კომპეტენციას შეამოწმებენ.

17-იდან 22 იანვრის ჩათვლით საერთაშორისო აღიარების მქონე მააკრედიტებელი ორგანოს, ANAB-ის სპეციალისტები დააკვირდებიან თუ რამდენად პასუხობს ლაბორატორიაში ახლად დანერგილი მეთოდები საერთაშორისო სტანდარტებს.
საერთაშორისო აკრედიტაციის მიღება ხანგრძლივ პროცედურებს მოითხოვს. 2014 წლის მარტში ANAB-მა „ სოფლის მეურნეობის სამინისტროს ლაბორატორიას“ ISO 17 025 სტანდარტზე მიანიჭა აკრედიტაცია, რაც საერთაშორისოდ აღიარებულს ხდის აკრედიტირებული კვლევების შედეგებს- აქ მიღებული ანალიზის შედეგი აბსოლუტურად სანდო/სარწმუნოა და იდენტურია იმისა, რასაც მიიღებდა დამკვეთი საზღვარგარეთ არსებულ იგივე მეთოდზე იგივე სტანდარტით აკრედიტირებულ ლაბორატორიაში.
   „სოფლის მეურნეობის სამინისტროს ლაბორატორია“ ასევე ფლობს ISO 9001:2008 ხარისხის მართვის სერტიფიკატს.
ამჟამად მიმდინარე სააკრედიტაციო აუდიტის საგანი - სხვა კვლევებთან ერთად - არის 2015 წელს დანერგილი ანალიზური ქიმიის კვლევები, რომლებიც სრულდება შემდეგი აპარატურის გამოყენებით:
   თხევადი ქრომატოგრაფი ორამგი მას-სპექტრომეტრული დეტექტორით- ანტიბიოტიკების, სტეროიდების და ა.შ. ნარჩენების დეტექცია გაზური ქრომატოგრაფი მას-სპექტრომეტრული დეტექტორით-პესტიციდების ნარჩენების შემცველობა თხევადი ქრომატოგრაფი UV, ფლუორესცენტული და რეფრაქციის მაჩვენებლების დეტექტორებით-საკვებში დანამატების შემცველობის ანალიზი პლაზმა-მას.სპექტრომეტრი-ტოქსიური ელემენტების შემცველობის განსაზღვრისათვის იონური ქრომატოგრაფი-წყალში ნიტრატი/ნიტრიტების და სხვა იონების განსაზღვრისთვის